NO.1
自從上次o係超市見過o個個女仔之後，已經過左兩個月，
呢兩個月，當我溫完書做完野之後，平時o既我，會上下網打下機，又話者搵d fd吹下水，
不過呢兩個月，唔知點解一得閒就會諗下個女仔，搞到連機都打少左好多，當時我對呢方面o既野一d經驗都冇，
根本唔知道呢d係咪叫愛(後來先知道呢d叫做好感，暫時談不上愛)
我經常有意無意咁幫阿媽去超市買野，阿媽仲以為我乖左，其實我只係希望落到去可以撞到佢……
我又諗，佢o個日o係度買咁多野，應該都係住o係呢區，所以有時放左學故意o係附近行下，睇下撞唔撞到佢
如此兩個月，結果都係沒下文，我開始有d心灰……
又過左個幾月，我雖然有諗佢，但係已經冇諗得咁多，因為就黎考試
o個陣我已經係一個form 7 o既學生，雖然仲未考a level，不過都要應附學校o既mock exam，所以就更加冇時間去諗……
我就黎考a level，不過爸媽都冇乜點俾壓力我，只係叫我小心身體，唔好考試先黎病
由form 5開始，o個陣為左會考，就開始約埋d fd o係圖書館o個d自修室溫書，不過去左冇耐就冇去，因為人實在太多，唔係好想同d人逼，
後來我聽一個fd 講話有一個地方溫書好，o個個地方就係大學
所以自從f5開始，我同埋我3個最好o既朋友：p, a同kc就成日去hku(港大)o既canteen溫書
p ,a, 同kc都係我中學同學，其中p同a更係小學o個時已經係同校，所以感情特別好，至於kc，就係中一開始識。
3個裡面我同p係最fd，最傾得埋，我地4個裡面最叻溝女都係佢；
a係我地四個裡面生得最高大，最鐘意打機，我同佢成日講game d野：
kc就係一個比較開朗o既人，不過佢阿媽就煩d，成日鬧個仔，被人一種燥狂症o既感覺=.=
我地3個如果有野要搵kc，係唔會打去佢屋企，就算知道佢o係屋企都會打佢手機……點解？
因為驚佢阿媽聽電話囉(我知道講人地o既阿媽唔係咁好，不過佢係例外！)
我地有時仲笑佢，話佢第時一定要等到佢阿媽去左先結到婚XD
學校就黎考期中試，所以我又去左hku，不過今次我淨係約到p
因為a住得比較遠，唔係咁方便成日出黎，而kc又俾佢阿媽管住，又話唔俾佢成日出街，
就算出去溫書都唔得(都話佢阿媽煩)，所以得p陪我
去到hku，做左3個鐘頭pastpaper，我同p諗住買d野飲，當我行到埋counter，見到有個人o係前面買緊，
咁我就跟o係後面排隊，跟住我聽到一把好熟o既聲音：
“唔該我想要個蛋沙律三文治”………
(待續)
